IL-BANDA ĊITTADINA LA STELLA F’SAN LAWRENZ

Il-bieraħ il-Banda Ċittadina La Stella għamlet l-aħħar servizz fil-festi tas-sajf tal-2018 fir-raħal ta’ San Lawrenz għall-festa tal-istess patrun.  Is-servizz kien jikkonsisti f’marċ u d-daqq tal-Innu l-Kbir u programm fil-pjazza ewlenija tar-raħal. Matul il-programm indaqqu biċċiet mir-repertorju mużikali tagħna li kienu jikkonsistu f’siltiet klassiċi u oħrajn aktar moderni. Il-banda kienet taħt id-direzzjoni ta’ Mro Noel Beck.  Kien ta’ pjaċir għalina li tajna s-sehem f’din il-festa li fiha ilna nipparteċipaw għal bosta snin.